‘n Nes of Holte?


Die oorspronklike artikel foto kom vanaf: Camping – WebEcoist 

 

Share your World Week 1 – Hierdie gedelery is oorspronklik in Engels, maar ons kan mos die Rooitaal omdop!

 

 

As kind, wie onthou jy as jou gunsteling familielid?

Loshande wen my Tannie Lollo hierdie ene.  My Pa se jongste en enigste sussie was ook my Peetma en moeder van my twee jongste niggies.  Ek was dankbaar dat sy my nie eners as my Engelse niggies aangetrek het wat altyd soos Vinkel en Koljander getooi was nie.  Tannie Lollo het klapperolie deur my hare gekam en die haredos met ‘n tulband toegesool.  Dan het ek soos ‘n wafferse Turkse prinses in die appelkoosboom gaan klouter en my verbeel ek vlieg op ‘n tapyt bo die grond rond.  Nadat my ouers geskei is, het ons familie kontak verloor en ek het vir baie jare skuldig gevoel dat ek iets verkeerd gedoen het.

Verlede jaar, na twee-en-dertigjaar spoor sy my op met Bakkiesboek.  Nou kuier ek elke paar maande vir haar en bederf haar wanneer die geleentheid hom voordoen.

 

Sou jy ‘n boom of plant wees, wat sou jy wees?

Mmmm hierdie ene is moeilik. ‘n Namib se Kokerboom in die Namib woestyn, dít wil ek wees nie.  So alleen rondstaan in dorre wind en weer is sekerlik nie vir my nie.

Screenshot 2016-03-08 22.10.25.png

Namibiese Kokerboom

Miskien ‘n Lourierboom, met lekkerruik swier takke wat waai in die wind.

Wag, nou weet ek, ‘n Kremetartboom! Ene wat stewig en reusagtig staan, met kalmte oor jare kalm en gedwee wortelskied en skadu gooi. Maar ‘n lower groen Bamboesbos vol voëls kan ook aangenaam wees.

Sou ek ‘n plant wees wil ek ‘n Wilde Kaapse klim-op wees. Lowergroen winter en somer, wat uitklouter teen vaal mure.Screenshot 2016-03-08 22.19.56

 

Die idee van ‘n Lelie in ‘n dam of Orgideē klink mooi idillies. Maar om paddas te hê wat heeldag oor jou klouter of om net te leef vanaf lug en steenkool moet maar ‘n saai bestaan wees.

 

Wat verkies jy, om wakker te word voor sonopkoms, of om wakker te word laat middag? 

Ek is gewoonlik lank voor sonop wakker en aan die gang. Sekerlik een van daardie goete van my Pa. Hy reken hy het ‘n hele leeftyd langer geleef as die standaard man, omdat hy elke oggend ‘n paar ure voor hulle op en aan die gang was.  Nou sit ek vroeg oggend op my stoep en luister na die voëls en slurp koffie.

Natuurlik was dit ‘n heel ander saak toe ek student was, laataand gekuier het en heeldag in die kooi wou bly.

Screenshot 2016-03-08 23.02.48.png

Sou jy daarvan hou om te slaap in ‘n mensgrootte nes in ‘n boom, of eerder in ‘n mensgrootte holte knus in die grond?

Rondomtaliedraai se Sondagkopies het die oulikste Knoffelhuis tentjie waarin ek maklik kan nesskop. Klink my maar net soos ‘n knus idee van ‘n luukse boomhuis.  Maar in die grond, nee dankie.  Daar kan hulle my toeskoffel as dit my tyd is om blommetjies op te stoot.

 

Bonus vraag: Wat van verlede week is jy dankbaar voor? In die komende week, waarna sien jy uit?

Verlede week het die Dep. van Binnelandesake my paspoort binne net vier dae hernu.  Dit is mos nou diens reken ek – iets waarvoor ek innig dankbaar is.

KobusDanielbf1Hierdie week vier my man sy halfeeu verjaarsdag en ook is ons een-en-twintig-jaar gelede met mekaar getroud!  ‘n Deugsame en hardwerkende man is waarvoor ek dankbaar is hierdie week, en die res van my lewe.

Advertisements

17 thoughts on “‘n Nes of Holte?

  1. Imke Rust

    Baie geluk vir julle! Julle lyk nes egte bavarians!
    Die Kremetartboom is ook my gunsteling… Ken jy die boek Die Kremetartekspediesie van Wilma Stockenström? Die mooiste boek… ek het hom in afrikaans, engels en in duits, en lees dit weer en weer. Ek dink jy sou die boek beslis ook baie geniet…

    Liked by 1 person

    Reply
    1. Daniël Bezuidenhout Post author

      Dankie nogals die kiekie geneem by ‘n Duitse Bierfees hier in Akkra. Ek ken nie die boek nie maar sal dir aankoop. Ek verbeen my ek het eens by jou aan huis gekom in Windhoek jare terug en daar was ‘n nuwe heuphoogte Kremetartboom on die voortuin? Onthou ek reg of droom ek?

      Like

      Reply
      1. Imke Rust

        Jy onthou reg. Toe ons op Oshakati gebly het, het ek saade geplant, gedink dit werk nie, die grond uitgegooi en ander dinge geplant. Volgende reen seisoen was my klein tuintjie vol met baba kremetarts. Ek het gevoel soos die klein prins… Ons het toe n klomp van hulle Windhoek toe gevat en vir vriende gegee, maar hulle sukkel in Windhoek. Net eene wat ek in n groot pot gehou het, so dat ek hom in die winter kan na n warmer plek to skuif, is nog oor by my. Die eene in die voortuin is ongelukkig dood van koue.

        Liked by 1 person

      2. Daniël Bezuidenhout Post author

        Elkekeer as iets groei en opkom of spruit voel ek soos ‘n wafferse Rockstar! Ek plant nou nog al eat ‘n pit of saad is veral bome. Eendag gaan ek nog GROOT boetes betaal eanneer ek oor ‘n grens gaan met ‘n sak vol sade…😐

        Liked by 1 person

  2. Pingback: Toeka-Tokkel no 10 : Oefening – I scrap 2

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s