Tag Archives: Kersfees

Krismis Kersies in Rum…

 

 

So is dit mos – as jy siekerig of mislik of nostalgies voel, verlang jy na jou Ma se huis. Kerstyd in Akkra is soos sonbrandvelle aftrek, seer maar ook lekker. Alles oor Kersvees voel uit plek uit, omgedop en verkeerd.

 

So stap jy ewe vrolik die eerste Oktober in die winkelsentrum in, en daar staan ‘n man op ‘n lendelam trapleer en hang Kersfeesdekorasies op. Jy voel hoe jou hart kommapunt; ‘n ketting trek ‘n beklemming om jou binnegoeters. Dit kan mos nie wees nie, het die jaar reeds so vêr met jou weggehol, maar dan onthou jy dis nou eers vroeg Oktober.

 

In Akkra is daar baie goete wat jou laat kopskud. Als hierlangs kom wat aweregs voor, en ons wonder of die mense om ons se bont varkies nog op hok is. Miskien is hulle net kinderlik erg opgewonde oor die hele Krismis ding, of is dit dat hulle effe langer vat om op te warm oor ‘n gebeurtenis en meer tyd nodig het. In Ghana is dit ‘n GROOT ding om jou Christenskap in die publiek ten toon te stel. Van reuse plakkers op jou mouter tot dik goue kettings en swaar kruise om die nek, T-hemde met reguit boodskappe in swart dik letters en Krismis dekorasies in jou winkel, jou mouter en op jou werkstafel en in en om jou huis.

 

Die uurglas is veronderstel om nóg ‘n hele twee maande uit te loop voordat Bony-M se plastiek musiek ‘Kersfees’ in die winkelsentrums uitbasuin. In die druk verkeer is dit straatverkopers wat verlepte plastiek opblaas Krismisvaders smous. Daar’s klokkies wat klingel op Rudolf die fluweel-takbok se neus, stringe bont kersliggies en sneeuspuit in ‘n albaster-blik is als op offer. Hierdie jaar, is die dogtertjie kopbande met blinkertjie Engeltjies wat soos antennae rondswaai oor jou kop, ‘n groot verkoper.

 

Ek sit heimlik en wonder hoe hulle die Kersboodskap aan die kindertjies glo-waardig maak? Dis plak warm in hierdie tropiese land; sneeu is net ietsie wat mens hierlangs op ‘n swak tv-beeld sien. Nog nooit het ek ‘n enkele skoorsteen in ‘n huis bespeur nie – waar moet Kersvader inglip om geskenke te kom afgee? Verlede jaar het ‘n Hotelgroep ‘n Kersvader-man kompleet met witbaard en ‘n reuse sak lekkergoed gestuur om die kindertjies by die swembad te verras. Dit was pandemodium soos daai kindertjies weggehol het, in die swemwater gespring het, histeries aan die gil gegaan het. Bestuur het gou die booswig verwyder en vir die res van die dag omverskoning gevra op die publieke uitsaai stelsel, en verskrikte verlore kinders en ouers met mekaar herenig.

 

Nou as jy as expat jouself in Akkra bevind oor Kerstyd het jy drie opsies. Die gewildste en voorkeur opsie is om ten duurste huistoe te vlieg en tussen jou eie mense iewers in die Kalahari, sonder sneeu en sonder koorsteen Krismis te vier langs ‘n koolstoof met warm melktert en rum-versuipte-kersies. “en koue bier” sê my Vrystaat-man hier van die kantlyn af.

 

Opsie nommer twee is minder gewild maar ‘n gemoedelike kuier waarheen almal uitsien en honderde fotos oor bakkiesboek heen gestuur word. Almal is nie beskore om verlof te neem in die blinkertjie seisoen nie. Iemand moet ‘n wakker oog hou op die geldkas, die olieboor, die voorraad op die winkelrakke; en daai makkers staan saam en vier Krismis in styl. Al die Springbok ondersteuners kom bymekaar en vier fees. Jy word gevra om ‘n kosding by te dra, iets soos aartappelslaai, gebaktekool weggesteek onder smeltkaas, reuse bak winkelroomys of melktert vir twintig uitgehongerde Springbok ondersteuners. Webers word aangery en skaapboude word gebak. Geskenke word met ‘n speletjie om die tafel aangegee en uitgedeel. Krismisvader kom aangery op ‘n 4×4 motorfiets en deel Kersgeskenke aan die kinders uit. Daar word geswem en gekuier en fees gevier; almal gemoedelik saam.

 

Opsie nommer drie is vir die oningeligtes, wat nuut in die land kom werk het, wat te suinig is om hulle gemoedelikheid te deel, wat soos ‘n rooiby wag om iemand te steek…hulle sit by die huis en versuip hulle self soos kersies-in-rum.

 

As jy iewers in Januarie uitgespaar is, en weer arriveer in Akkra, dan kan jy jou begewe in die Kersfees gemoedelikheid tot diep in Maartmaand wanneer die blink Kerstooisels eers verwyder word. Vrinne wat jou lanklaas gesien het vertel van sonbrand en brandvelle wat afgetrek moes word.

 

As jou kollegas van Ghana jou eers weer in laat Februarie sien, groet hulle jou vrolik “Merry Krismis” and “A prosperous New Year”!

Advertisements

Kaalgat op straat

Nuwe tegnologie klap Ghana, elke dag nog, bloedneus.

Hier is te veel goedkoop mouters en te min paaie. Van die verkeersligte is kamatig op sonkragpanele gesit, maar die splinternuwe LED’s hang verlep en blind in die bloedige son. Sonkrag is hier, maar die tegnici is nie. Orals is tekens van padwerke wat half klaar is. Die gemors hope van sement en bourommel lê opgetooi met groen onkruid krone. Dis immers reënseisoen en van die gemors het weer dreine en afvoerpype verspoel en verstop. Prettig, om in verkeer daarom te navigeer. Ek vermoed die kontrakteurs weier om die padbou gemors en toerusting te verwyder totdat hulle vir die tenders ten volle betaal is. Nog ‘n bloedneus klap – daai ding van geldjies uit die staatskas wat so ‘verdamp’. Elke tweede Jan Rap en sy maat het slimfone en tablette – maar ons ewigdurende krag tekort veroorsaak dat die batterye heeltyd plat is.

Akkra bied nie net een lang somer en reënseisoen nie. Die laaste week van Oktober dui die begin van malkop-seisoen aan. Hier is is ywerige straatsmouse wat als van ‘n skoenborsel tot ‘n dooie polisieman aan jou wil smous. Straatverkopers skud spuitblikkies met arlies binne-in – ek verneem dis vir ‘sneeu op venster’ versierings. Sneeu, in die snik hitte van Akkra se Afrika-son, en dit verkoop soos soetkoek hoor ek. Opgeblaaste Kersvader-balonmannetjies en kerstooisels verskyn saammet ABBA se Krismis-CD op straat. As jy in die mouter met glas-oë verveeld na die spulletjie staar, wikkel hulle die nutshede met sulke swiep bewegings hier vlak voor jou neus rond.

Ons ry en stop, wip-wip en hik, so karring ons langsamer deur die druk verkeer.

Hierts, amper ruk ek my nek uit lid uit!

Daai man lê sommer so tossel in die wind, oop en bloot; op die naat van sy rug. Jip, net daar op die sypaadjie, lekker lê, in die sonnetjie, poedel naak! Daar lê hy en dut. Die verkeer beweeg darem weer. Daar is geen uitveër wat daai kaalgat ou se prentjie in my kop kan uitwis nie!

Malkop! Ja, nou onthou ek weer van die staatskas se geldjies wat so geheimsinnig opdroog, hierdie tyd van die jaar. Sien, die gesondheids departement hierso se geld raak op. Dan hou hulle op om salarisse te betaal vir die ouens wat die asielshuis se sleutels swaai. Medikasie raak op, en etes voorsien raak ook ‘n probleem. Dan los hulle net eenvoudig die deure oop, en die gekkes is vry om kaalgat deur Akkra se strate te drentel.

Hier is net twee fasiliteite vir geestesongesteldhede in Akkra vir meer as vier-miljoen mense. Dis te verstane dat die asiels hospitale oorvol is. Hierdie Afrika-nasie so heilig bygelowig vir toordery en als wat hulle eienaardig vind. Ghanese verkies om sekere goete soos dimensia en geestesversteurdhede saammet homophobie ‘nie te verstaan nie’. Ek weet, dis pateties, né!

As jy ‘n Ghanees se stront-praat diep wil beledig, dan verklaar jy kliphard “you are mad!” en sien dan hoe almal in die restaurant stil raak en vir julle staar… oulike truuk, ek weet, né!

Verstandelik gestremdes word soos ‘n skaamte ‘weggesteek’ in ouers se huise, maar dis skandelik en versteurend om verskeie kaalgat ‘malletjies’ op straat waar te neem.

As jy uitkyk sien jy hulle bad hulleself in stormwater-strome, vang skoenlappers wat net hulle sien; voer diep indringende gesprekke met mense wat net hulle waarneem. Hulle drentel in ‘n droomwaan, onverstoord deur besige verkeer en almal draai net hulle venters op, slaat rem en vermy oogkontak. Die ‘malletjies’ lyk nie ondervoed nie, hulle bedel nie vir kos nie. Hulle gaan staan net en staar vir kos by ‘n straatsmous se kostafeltjie, dan deel die smous vlietig ‘n eetding sodat die ‘malletjie’ kan wegdrentel.

Sien, miskien gek, maar nie dom nie.

Ghanese gaat loop sommer aan die anderkant van die straat om ‘n ‘malletjie’ se belediging, aanraking, aandag en toordery te vermy.

Hierdie ding het my lank gepla – issie reg nie, né!

Nou het ek besluit: seker beter as wat hulle soos in konsentrasiekampe in asiels-hospitale sonder geld, toegesluit, en verhonger word.

Ek tel my seëninge, elke dag. Miskien lê ek ook eendag soos daai sonkragpanele en verlep in die son…

My laaste internet snuffel het net 24 dokters vir geestesgestremdhede opgelewer in Ghana . Daar is 24 miljoen mense in Ghana.

te min dokters - en geld - en belangstelling

te min dokters – en geld – en belangstelling

Kliek hier – sodra hulle weer fondse het, maak hulle weer die ‘malletjies” bymekaar

Kliek hier – Die staatskas is skielik leeg…

Kliek hier – *** nie vir sensitiewe lesers nie

Kliek hier om te lees oor Ghana se Psyhiatric Hospital se drama

Hoekom vier Christene Kersfees, terwyl die vroeë Christene dit nie gedoen het nie?

Ek is gek na Kersfees se vieringe, en basta met almal se grille. Ek vier fees met almal om my…en ons kuier.

Reisiger

Ek het ‘n paar versoeke ontvang om weer die “blogpost” oor kersfees te plaas. Daarom sit ek weer die “post” van my op. Mag dit jou help om met vrymoedigheid Kersfees as ‘n jubel en liefdesfees te vier !

Hoekom Kersfees?

Aanvanklik het Christene slegs Sondae as fees gevier. Die Opstandingfees op die eerste dag van die week was die enigste fees. Die geboorte van Christus was vir die vroeë Christene glad nie belangrik nie. Daarna het hulle naas die Sondag ook net Paasfees begin gevier (kruisiging en opstanding). Later het Pinksterfees bygekom. Dit was vir die eerste Christene die belangrikste fees.
Tog het daar deur die jare ʼn behoefte ontstaan om die geboorte van Jesus te herdenk. Konstantyn het ʼn kerk laat bou op die waarskynlikste plek waar Jesus gebore sou wees. So in die jaar 326 NC het hulle die kerk (basiliek) gebou bo op die grot wat…

View original post 1,588 more words